سعود القت
11-Oct-2005, 12:01 AM
شريتلي من معرض فالشفا جيب = منتهيا فيه الفحص والاستماره
وسرحت ابفحص عند علط الاشانيب = فنس الخشوم منجحين التجاره
ولياي اخبر الحظ ياقل مايصيب = وايقنت بانه راسبا فاختباره
قالو لي انزل جنب بعيد تجنيب = خلك هناك وموترك مع مساره
وقامو يحوفونه بكل الجوانيب = قدم ورا ويمينه ومن يساره
تقول شجعان تعسف الاصاعيب = لمناطح القومان والصبح غاره
وداسو لبنصه هالقصار المذاهيب = لين ازرق الدخان زاد انتشاره
وناظرت وعيوني سوات المشاهيب = فالاقطم اللي وازيا فالغماره
وتله بنمره والبواري مطانيب = ومسك لفرملته ودق الاشاره
وقمزبه شويب متكتك مذيهيب = ما يلحق الابنص طول الزقاره
واني ملصق زر الاشاره بتيب = وشاله لعين الخير من القشاره
ومرر على الحفره لفحص التساريب = وقف على دريشة الاستشاره
ويوم استلمته وانها فرية الجيب = مافيه مسمارا مافوقه اشاره
وعكر مزاجي وقربن المحاضيب = وقمت اجتلد مابين تاره وتاره
وليا هل الورشات مثل المعازيب = وانا عزيزا قايما في زياره
وتقامزوبه بين فك وتركيب = فالنور والشكمان وبرغي سباره
وفالفرمله والصوفه اثار تهريب = وصلحتها وابفحصه من نهاره
وعودت قالو باقي به عذاريب = وصفقت يديني في بعض واخسارهم
لو كان همي ماهو كيف افحص الجيب = الموت فحص العرس لاجا اختباره
وسرحت ابفحص عند علط الاشانيب = فنس الخشوم منجحين التجاره
ولياي اخبر الحظ ياقل مايصيب = وايقنت بانه راسبا فاختباره
قالو لي انزل جنب بعيد تجنيب = خلك هناك وموترك مع مساره
وقامو يحوفونه بكل الجوانيب = قدم ورا ويمينه ومن يساره
تقول شجعان تعسف الاصاعيب = لمناطح القومان والصبح غاره
وداسو لبنصه هالقصار المذاهيب = لين ازرق الدخان زاد انتشاره
وناظرت وعيوني سوات المشاهيب = فالاقطم اللي وازيا فالغماره
وتله بنمره والبواري مطانيب = ومسك لفرملته ودق الاشاره
وقمزبه شويب متكتك مذيهيب = ما يلحق الابنص طول الزقاره
واني ملصق زر الاشاره بتيب = وشاله لعين الخير من القشاره
ومرر على الحفره لفحص التساريب = وقف على دريشة الاستشاره
ويوم استلمته وانها فرية الجيب = مافيه مسمارا مافوقه اشاره
وعكر مزاجي وقربن المحاضيب = وقمت اجتلد مابين تاره وتاره
وليا هل الورشات مثل المعازيب = وانا عزيزا قايما في زياره
وتقامزوبه بين فك وتركيب = فالنور والشكمان وبرغي سباره
وفالفرمله والصوفه اثار تهريب = وصلحتها وابفحصه من نهاره
وعودت قالو باقي به عذاريب = وصفقت يديني في بعض واخسارهم
لو كان همي ماهو كيف افحص الجيب = الموت فحص العرس لاجا اختباره