ديوان الشاعر سعود الوسمي

[ابن غبن]

الأخوة الأكارم

السلام عليكم ورحمة الله وبركاته وبعد :

يسعدني ان اقدم لكم شاعر كبير بقصائده واخلاقه

الا وهو الشاعر الكبير / سعود عبدالهادي الوسمي المطيري

جمعت مااستطعت من قصائده وسوف اوردها في منتدى الصمان :
.................................................. .....................................

قال الذي قوله عن الخوض محفوض
مثايلـه عـن مـا يعيبـه حفظـهـا
لا لاحظ النقـاّد ماشـاف ملحـوض
يمـوت غـل وغلطـتـي مالحظـهـا
برضاي اروّض جوهر الشعر ويروض
وليـا ومـرت اوامـري مارفضـهـا
بنات فكري تدحم الصـدر ويجـوض
جواهـرن تشفـي القلـوب ومرضهـا
وشعرن بلا معنى من الاصل مرفوض
لاصـار مايقضـي لنفسـي غرضهـا
لوبيت واحد جزل عن غيره يعـوض
تفنـا البيـوت وهـو يبقـا عوضهـا
ماني غشيمن خاض بحر المثل خوض
الـيـا فتـلّـه حجّـتـن مانقضـهـا
هو راقدن والناس واعين وايقـوض
تعـرّض لنقـد البشـر واعترضـهـا
مثل البعير اللي من الحمل مبهـوض
حمّل علـى نفسـه حمـول وبهضهـا
يبا ينوض وطـاح مايقـدر اينـوض
ماتنهضـه صـم العظـام ان نهضهـا
وكد قيلت الدنيا توافيـق وحضـوض
والكلمه القشـره علـى مـن لفضهـا
وترى احترام الناس واجب ومفروض
ومن يحترم نفسـه عليهـم فرضهـا
وهذي حياة الناس خافض ومخفوض
والله رفع قـدر البشـر عـن بعضهـا

منقــــــــــــول من منتدى الصمان بعد أن طلب من الأخ بدر بن سعود

أبن الشاعر اعلاة أن أنقله لكم للفائدة .

مع تحيات أخـــــــــــــوكم

ابن غبن [/size][/align][/COLOR]

[محمد المطيري]

الله الله

صح السان الشاعر الكبير سعود الوسمي

ومن منا لايعرف سعود الوسمي

شاعر اجتاز بحور الشعر بجداره

وأبو بدر غني عن التعريف

وانا من اشد المعجبين بقصائده

تسلم على النقل الموفق يا بن غبن

وبإذن الله سأجمع ما استطـيع انا ايضـآّ لمسـاعـدتك

تقبـل جزيـل الشكـر والتقـدير

محمد المطيري

[ابن غبن]

الأخوة الأكارم

السلام عليكم ورحمة الله وبركاته وبعد :

وهذه قصيدة أخرى
ليت ابو سلطان مثلي شاف موضي
يـوم طبّـت والجدايـل نقّضتـهـا
خدها يجهر بـداج الليـل يوضـي
ماتمـيّـز بالـقـلاده ورقبتـهـا
لااخزرت في عينها قلبي يجوضـي
اونس الموت الحمر من سلهمتهـا
دانة(ن)مايحوشها كود امحظوظـي
ماتهيّا لكـل نـاس(ن) لـو بغتهـا
لوّترضى كان قدّمـت امعروضـي
الحـق النفـس الشقيّـه بشهوتهـا


الشاعر / سعود عبدالهادي الوسمي


منقــــــــــــول من منتدى الصمان بعد أن طلب من الأخ بدر بن سعود

أبن الشاعر اعلاة أن أنقله لكم للفائدة .

مع تحيات أخـــــــــــــوكم

ابن غبن

[محمد المطيري]

السلام عليكم ورحمة الله وبركاته

اخي وفاضلي واستاذي .. ابن غبن

اسمحلي على هالمداخله

ولكن حبيت اني انقل بعض قصائد الشاعر العملاق

سعود عبدالهادي الوسمي


مما قال الشاعر / سعود عبدالهادي الوسمي مجاراة لقصيدة محمد الخس التي مطلعها يقول:
(((انا لي ثمان سنين اجامل وانا مجروح....اكن الموده داخل الصدر واكتمها))
يقول الوسمي:





سمعت الحمام اللي سجع فوق غصن الدوح جذبنـي بنغماتـن هـل الحـب تفهمهـا
تغنا بشعرن مـن شـذاه العطـور تفـوح يعطّر مسامع مـن سمـع فـي ترنّمهـا
من الشاعر اللي قبل انا لاامدحه ممـدوح وكـد قالـوا الاجـواد ماتهفـي ذممـهـا
غنيّن عن التعريف ازيد الوضوح وضـوح تباهـا بـه اشعـاره يصخّـر ملاحمهـا
عميد القصيد وفي عيـون العـدا ذرنـوح وهـو الاديـب ونفسـه الـرب ملهمهـا
شعاني وانا قلبي مع اهل الغـرام ايتـوح هضمني وروحي قبلـه الحـب هاضمهـا
جبرني ابـوح وعادتـي للخفـا مااابـوح اداري عـن السمعـه ونفسـي مشيّمهـا
اجامل وانا قلبي بسيـف الغـلا مصطـوح اكـن العبايـر فـي ضميـري وكاظمهـا
هليك ودريـك ادوّر مـن البـلال انشـوح وكبدي تفـوح وبـارد الشـرب يلطمهـا
غديت الغليث اللي يخـاف البـروق تلـوح يسوج ويلـوج ونفسـه الغلـث مسقمهـا
سبايب عنودن صار في حبلهـا سامـوح حرمني محجّرهـا وهـي مثلـي احرمهـا
علامـه يفرّقنـا لعلـه ماهـو مبـيـوح بنينـا الامـال وحاقـد القلـب هدّمـهـا
ولاله مصالح بس غـاد الجـدا مشفـوح مسمـمّ ونفسـه زايـد الغيـض سممّهـا
حقود وحسـود ومسـردن كنـه النابـوح وذلوله علـى كـل المغـازي يدرهمهـا
عسى الله يلم الشمل بالصاحـب النصـوح وتطيب النفوس اللـي محيمـه حوايمهـا
وتليم شفوف اهل الهوى والعـدو مكبـوح وتلحق هواهـا المغرمـه لجـل مغرمهـا
تهيّا على وضـح النقـا دربهـا مبـروح انـال الهنـوف اللـي ولامـي موالمهـا
ويبرا فوادن من غـرام الهـوى ملحـوح لحاه الهـوى وارثـع بروحـي وحطّمهـا
وتخايط جروح بداخل الضامـر المشلـوح من الجـادل اللـي حاكمتنـي وحاكمهـا
هنوفن عيوفن من تولّـع بهـا مسمـوح كساها الحلا من الـراس لاحـد مقدمهـا
غنوجن عنوجن بهرجها للعـرب سحـوح فتونـن يضيّـع كلمتـه مـن يكلّمـهـا
بها من مهاة الريم غـره وفيهـا لمـوح تـذوب القلـوب بنـارهـا ماتقاومـهـا
عليها الله اكبر كيف جاحت فـوادي جـوح بهـا النفـس مرهونـه ولانـي بلايمهـا
تمركز غلاها غصب ماعاد هـو ممسـوح ولاعاد لي سلطه علـى النفـس ايممهـا
انـا صاربـي ماصـار للخـس ياملّـوح طواني هوا خلن طـوى الحـال واعدمهـا
خليلن تخلخل خل عقلـي وشاحـه شـوح عزلني عن العالم دها النفـس واوهمهـا
خطاها كبر سنجار ميـر الخطـا مدمـوح لعـل وعسـا ترحـم وذا مـن مكارمهـا

[محمد المطيري]

غزليه لشاعرنا سعود الوسمي وقد جاراها الشاعر محمد الخس والشاعر شامان عمر والشاعر ذيب الشمري

.................................................. .............................



تغنّت طيور الشعر فـي روضـة البستـان
تـغــرّد طـــرب وانــــا جـذبـنــي تـغـردهــا
جذبني صدى صوته على الحاجر المليـان
يـطــوّّّّح مـواويـل(ن)عـلـى الــبــال ارددهــــا
تهيّض وهيّضني شجا وحـرّك الاشجـان
يـداعــب شـعــور الـشـعـر كـنــه يـعـانـدهـا
وجته القوافـي مطلقات(ن)بـدون اعنـان
مــطــرّز معـانـيـهـن بـصـافــي زمــردهـــا
تجاوبت انا والورق فـي ملتقـى الخـلان
مـكـان(ن)الـيـا جـيـتــه هـمـومــي يـبـددهــا
مكان(ن)نقش في داخـل الذاكـره عنـوان
يـذكّــر عـلــيّ عـهـودهـا يـــوم اعـاهـدهــا
سقاه الحيا مـن هامـل الديـم لـه ودّان
يــربّــع بــروضــه والـمــأثــر يـجــددهــا
لجل كد مشى في روضته قايـد العـزلان
فـريـد(ن)فــرد بـالـزيــن والــــرب فــاردهــا
غريبه وصوفه ماوصوفه وصوف انسـان
مــن الـحـور جــلّ الـلـي عــن الخـلـق زايـدهـا
كساه الحلا والملح والنـور فيـه الـوان
مــلاك(ن) مـلـك نفـسـي عــن الـغـيـر قـيّـدهـا
غرير(ن) غرور مغطرس(ن)بالجهل غرقان
قـريـب(ن) بعـيـد(ن) عــن هــل اللـعـب مبعـدهـا
نظيف(ن) عفيف(ن) ماقضى للمولع شـان
تـمـوت الـنـفـوس مـــن الـعـطـش مايشـهّـدهـا
محافظ على عهـده مهـو للعـده خـوّان
هـواهــا عـلــى وضـــح الـنـقـا ذي عـوايـدهـا
اخذنا بماض الوقت انـا والغضـي عبّـان
قــبــل لايـفـرقـنـا حــســودي وحـاســدهــا
تجدد عهود الود غصبـن عـن الزعـلان
وتـبــرا قـلــوب(ن) كـايــد الـــود ضـاهـدهــا
وتطيب النفوس اللي طواها نيـا الحرمـان
تــــوارا الــزمــان ولانـفـعـهــا تـجـلّـدهــا
قلوب(ن) تساعر وسطها واهـج الضيّـان
تــقــل بالـخـنـاجـر والـهــنــادي تـقــددهــا
حرمها عن اللي تشتهـي ميّـت الوجـدان
حرمـهـا حــرم مــن شــوف عيـنـه ومـرقـدهـا
عسى الله يعوّض مامضى بنعمة النسيـان
تــجــدد امــــال(ن) مـابـقــى الا شـرايـدهــا

وتقبل جزيل الشكر والإحترام والتقدير

واكرر أسفي على المداخله :)

اخوك

محمد المطيري

[أبـو فـــارس]

بارك الله فيك وفي منقولك احسنت الاختيار يابن غبن

وصح لسان الشاعر الكبير / سعود عبدالهادي الوسمي المطيري