عمر الفتى ليالٍ قديمات واجداد

[غازي الشاطري]

اخواني مشرفي واعضاء منتدى قبيلة مطيرالتاريخية
اليكم هذه المتواضعه ارجو ان تنال جزء من ذائقتكم الراقية



يوم اسفهل الفكر واسترسل وساد = غنى على كيفي ومنطق لساني
ساق المثايل والمعاني لها ماد = عند الرجال اللي تحكم المعاني
نبيتها با حسن نبا بين الاجواد = حيث الشعر يحسب بحكم البياني
للقاف وقفه مع هجوسي وميعاد=لاهيب بلاساعه ولاهي ثواني
بالصدر يبدى له مسافات وابعاد = بدع المثايل مثل جر السواني
الصدر بئرومن يبا الجم ورّاد=وانا وردت إزلال بين المحاني
الشعر بيت ويدهله كل قصاد = بحرٍ على شاطيه تبنى مواني
ماله قبر لكنّ للشعر ميلاد= حيٍ عليه إرسوم وأيضا ضماني
وانا زرعت إمن الشعر جوفي إبلاد=زرعت عشرٍ ماتعوّد ثماني
فرايدٍ نقيّتها جهد وإجهاد= اتعب لهن لو اني وقتي حداني
ارقى بمعناهن على روس الاشهاد= الفكر مولع في غلاهن شعاني
اخيارهن ياتن بالجمع وافراد = إلهن حقوقٍ مثل حق الخواني
الشعر كان انه بلا قصد وإمراد=أقوم وأكبه وراي إبمكاني
والنقص لولا النقص مازايدٍ زاد=والجدي في صيته خشير اليماني
والمجلس اللي مابه إدلال وإشداد=ماهو غريب إن كان ماجاه عاني
عمر الفتى ليالٍ قديمات وإجداد=والقاسيه ماهي بمثل اللياني
تمر فرصه والفتى روح وإفواد=والمركز الثالث جعل فيه ثاني
والكايده مفتاحها صبْر وإعتاد=والطيب خيلٍ مايعنّ بعناني
والصدق شيخٍ ماعرف مهْد وإمهاد=والمُرتفع ماهو بمثل الطماني
قلته وبيت الشعر له طنّب وإعماد=من هاجسي حرفي عليه الضماني

[لافي عون الله زيدان]

صح لسانك يابو بدر

شامخة مثل شموخ قائلها

[أبن ســنيّن]

السلام عليكم ورحمة الله وبركاته
أخي العـزيز " غازي الشاطري " بارك الله فيك وصح لسـانك وعلى شـانك في هذه القصيدة الجزلة