بجاد بن قرناس

[متعب بن قرناس]

هذة القصيدة قيلت قي الشيخ / بجاد بن سدحان بن قرناس نقلا من منتديات قبيلة عتيبة من ديوان الشاعر / مرزوق بن عوض بن عالي السكيك العضياني العتيبي

ياراكب ٍ طيـارة ٍ تطـو الاسفـار=حتـى طيـور الجـو فيهـا تذيّـر
حديد من فولاذ تسقـى مـن النـار=فازت على مشـاي خـط المقيّـر
تلفي على اللي يكرم الضيف والجار=يـوم إن بعـض النـاس ماينتديّـر
بجاد بن قرنـاس لطّـام الاشـرار=لاجيت فـي ديـرة خيـار ٍ تخيّـر
سلّم عليهـم عـد هتّـاف الامطـار=وإعـداد ماخـط القلـم بالمسـيّـر
اللي بجو الحسو واللـي فالابـرار=يضفي على عقّـا لهـم والصغيـر
اعلاهم اللي من شبيشيـر ويسـار=واسفلهـم اللـي بالكويـت امتديّـر
على الخوال اللي يشوقون الانظـار=مفعولهـم يـوم المفاعيـل نـيّـر
كم هازهم رمـح ٍ وخلـوه قنطـار=يـوم اليديـن تمـد قـدم المضيّـر
ولولا طعنهم مالقـى ملـك وديـار=ولاشفـت فالعبلـه جهـام ٍ يسيّـر
تمت وصلّى الله على الهادي البـار=اللي سعى بالحـق حـارب وغيّـر

[أبن مدلج]

والله والف نعم ببجاد بن قرناس وجميع عيال سدحان وذخاير مسعود وعيال عيبان كلهم وعلى روسهم القرانيس ولا يهونون باقي ميمون النار الحمرا يقول الشاعر فيهم :

عيال ميمون جزاره = والدم من فعلهم شلي
ويقول أحد شعراء ميمون :

ياراكب الي بعشرين الف مشريه = من شد لندن على المركب يجيبونه
ونيت ما صلحوا فيه الجناريه = اربع وستين بالسكان يقدونه
ما وقفه بالسرا لفلوس عبريه = وارد حفيز الحماضي ما يكدونه
عليه رقم الصباح مع السعوديه = ويمر كل المراكز ما يردونه
أسبق من الشعف في براق وسميه = طيارة الجو أهلها ما يطوفونه
يلفي على الحسو مدهلهم عموميه = عدٍ قديمٍ حماق البدو يردونه
سلم على صريد وعيال الغرابيه = وثن سلامي عليهم لين يوحونه
جوابٍ أحلى من السكر بغوريه = في در عربٍ على المجلس يسوقونه
سلم على الي يعشون الخلاويه = ولا الردي من حساب المال يرعونه

أخوكم / أبن مدلج
( أبو مقرن )

[أبن مصاول]

على الخوال اللي يشوقون الانظار=مفعولهم يوم المفاعيل نيّر

ونعم بالمادح وخواله واللمدوح يستاهل ....والله ونعم ببن قرناس

أبن مصاول

[أبن جويبر العبدلي]

السلام عليكم ورحمة الله وبركاته


متعب بن قرناس

مشكور على القصيدة وماقصرت

بدر بن مدلج مشكور على القصيدة والثناء

ابن مصاول والنعم والله فيك وما عليك زود


اما انا شهادتي في المرحوم الشيخ بجاد بن قرناس تعتبر مجروحه


واطلب من اخي متعب ان يبحثلي عن قصيدة قالها السيخ بجاد بن قرناس وهو في سجنه في المدينه اذ سمعتها ونا صغير وعجزت ان اجدها الان
بالمناسبه بجاد بن قرناس تعرض لمشاكل كثير واحراجات مع الحكومة في مشاكل لم يكن له فيها لا ناقه ولا جمل
اذكر احدها ان واحد من مطير قتل شخص وهرب وطلبو من بجاد احضاره ولم يحضره بجاد وسجن بسببها بصفته كبير القوم حتى يسلم الجاني نفسه
ومن داخل سجنه يقول للمطيري لا تسلم نفسك ان سلمت نفسك قطع راسك ابن سعود اما انا مهو قاطع راسي ابن سعود بقضيه لم ارتكبها
وبعد سنتين تدخل الدويش ووجهاء مطير عن الملك سعود وتم اطلاق سراحه
ويوجد مشاكل اخرى بس غيره من بينها قتل وهروب على غرار الاولى وكان يتحملها ابجاد وان رضو بالديه دفعها بجاد
ولبجاد بن قرناس قصص كثيره ووقفات بطوليه اذ شارك في معركة الحسو وغيرها
ادعو اخي متعب ان يحاول يجمع لو بعضها مشكور

[متعب بن قرناس]

شكرا على مرررروركم العطر ولكم ماطلبتم قريبا

[متعب بن مدلج]

ونعم والله بالمدوح وربعه ميمون عامه وبجاد القصيد بحقه قليل ولاهنت يابن قرناس