قصة وقصيدة للشاعر الكبير عمار بن هلال القت الشلاحي

[محمد بن بدر الشلاحي]

السلام عليكم ورحمة الله وبركاته
والصلاة والسلام على سيد المرسلين وبعد ،،
قصة وقصيدة للشاعر الكبير عمار بن هلال القت الشلاحي


قال الشاعر عمار بن هلال القت المطيري
هذه القصيده عندما تجاوز عمره السبعين عام وهي عباره عن الحنين للماضي
وانه بعدهذالعمر تذكر ايام شبابه ايام القوه والنشاط ويقول فيها


ثـلاث مانـي مخليهـا وخلتنــــــــــــــــي =الشوف والسمع والبندق وشدتهـــــــا
وثـلاث ماعفتهـا لكـن عافتنـــــــــــــــي=البنت والنجـر والدلـه وصبتهـــــــــــــــا
وقتن مضا اطيعها وهي مطيعتنـــــــي=وخذت ماجاز منهـا يـوم شرتهــــــــــــــا
دنيـا تقافـت ومرتنـي وجرتنـــــــــــــي=جرت حبال السواني مـع مجرتهـــــــــا
ماقلت ماقلت فيهـا ليـن هزتنـــــــــــي=وشفت اختلاف التوازن عقب هزتــــــها
صارت بـلاوي لكنهـا ماتموتنـــــــــــــي=مايقتل النفس غير انهاي طعمتهـــــــا
والنيه اني قصبت ارشاي على متني=ولا لي حسايف على الدنيا ورغـــوتها
اخير منها ثـلاث انكـان خاوتنــــــــــــــي=لدين والصبـر والتوحيـد بلغتهـــــــــــــا
وثلاث مامثلها لنكـان كتبـت لــــــــــــي=الحور الابكـار والجنـه وراحتهـــــــــــــــا
ارجو من الله ليامن انقضـا حتنــــــــــي=العفـو والمغفـره نهـار عازتهـــــــــــــــــا
نهار مافيـه لامخفـي ولا مكنـــــــــــي=سيه وجسنـات وتقـدر بقيمتهـــــــــــــا
خايف وراجي وسياتـي مهمتنـــــــــي=وخاف تحميل نفسي غير طوقتهــــــــا
ونكان ماهـي بقدمـي ماتقفتنــــــــي=نهار نشر الصحايف عقب وزنتهـــــــــــا
مافيه مثقال ذره غير وزنـت لــــــــــــي=الله ذكرهـا ونـا قريـت سورتهـــــــــــــا
وياربي العفو قبل الاجـل يبغتنـــــــــي=عفوك ورحمتك اكررهـا ورددهـــــــــــا



والمعذره فيه كم بيت ماذكرتها

محمد بدر الشلاحي
ابو رزق الله

[أبن شـــلاّح]

http://www.mutair.ws/hello.png

لله درك

الأخوة الكرام
السلام عليكم ورحمة الله
لك يالبناخي محمد بن بدر على جودة الأختيار ولعل الموضوع سبق نشره في موقع قصر الحومة الثقافي وساكتبها للفائدة مع ضرورة حفظ الحقوق في النقل .

http://www.mutair.ws/vb/uploaded/3_1191360951.gif
(منسق موقع قبيلة مطير )

الشـــاعر يتمتع بالحياة ويعايشها في شبابه وهو يمزج مرها بشعره الذي يعمل على تحلتهاويمزج ليالي السعد والسرور بليالي النكد فتطعّم بعضها البعض ويتبقى ذكراها خالدة ما خلد الدهر .

وشاعرنا عمّار بن هلال القت عاش عصره وتمتع بالحياة والربيع كغيره من الشعّر وبعد ان كبر سنه وراء من الحياة انه يعجز عنالكثير مماكان يعمله. توجه بشعره الى الله وأخذ يذكر حياته ويصورها شعرا ولسان حاله يقول "ما طار طير وارتفع ...الا كما طار وقع " ولابد لكل شيء من نهايه وندعكم مع تجربته وقد اعجب بقصيدة شاعر أخر هوالشاعر دخيّل بن سفر العطيفه وأنشد مجاراة لها وعلى قافيتهاقصيدة أخرى ولكم نهدي القصيدتين بغية الأستفادة من تجارب الماضي ممن سبقونا واسدوا لنا النصح

وبهذا قال ابو عامر :


ثــلاث مـاني مخــليلـها وخـــلتنــي =الشـوق والســمع والبنـدق وبـدتها

وثــلاث مــا عفتهــا لاكـن عـافتنـي =البنــت والنجــــر والدلــــه وصـبتها

وقــت مضـى اطيـعها وهي مطـــيعتني =اخـذت المكتـوب منها يـوم شـــرتها

دنيــا تقـــافت ومــرتني وجـــرتني =جــرت حبــال الســواني مـع مجــــرتها

ما قلـت ما قلـت فيها ليـن هـزتني =وشــفت اختلاف التـوازن عقب هــزتها

صــارت بـلاوي لاكنها مـا تمـوتنـي =ما يقتـل النـفس غير انهـاي طـعمتها

النيـه اني قصـبت رشـاي على متنـي =ولالي حســايف على الـدنيـا وغــورتها

واخيـر منها ثـلاث ان كـان خـاوتني =الديـن والصبـر والتوحيــد بلغـتها

وثـلاث ما مثلها ان كـان كتبــت لـي =الحـور والأبكـار والجنــة وراحـتها

ارجـي من الله الى مـن انقضـى حتنـي =العفــو والمغفـــره نهــار عــازتها

نهـار ما فيـه لامخفـي ولا مكنـي =ســـيه وحســــنه تقـــدر بقيــمتها

ما ودي افـوتها وان كـان فاتتنــي =ما همـني شـيء اقـوى من تفـاوتها

وان كـان ما هي بقـدمي ما تقفتنـي =نهـار نشـر الصحـايف عقـب وزنتها

ما فيـه مثقـال ذره غيـر وزنـت لـي =الله ذكــرها وانا قــريت ســـورتها

ارجـي من الله على الســنه يثبتنــي =يـارب نفســي على الســنه تثبتــها

خـايف وارجــي وســياتي مهمتــني =واخـاف تحميـل نفســي غير طـــاقتها

ياربـي العفـو قبـل الأجـل يبغتنـي =عفـوك ورحمتــك اكــررها وارددهــا
الشاعر :عمار بن هـلال الشـلاحي



مجاراه بعنوان ( تقول به ست تالي الوقت كبتني )





يابو حمـــد قلـت مســتني وضــرتنـي =وسـبعين عـام وانـا بحـلاوتها وطـربتها

تقـول به سـت تـالي الوقـت كبتنـي =وانــت ما قصـرت فيها يـوم شــبتها

دنيـا تقــلب زانـت لـك وزانـت لـي =شــفنا مــراراتها من عقــب لذتــها

وان كـان مرتـك جـت غيـرك ومـرتنـي =وهـذي ســوات الأمـور الى انتـهايتها

مـاني بشـــفق عليها ميـر غــرتنـي =الله يكـافيني الـدنيـــا وغــرتـها

اشــوتها شـــوت كـوره ليـن شـــاتتني =ولا بـاقي الا انوقـف عند إشــارتها

وتقــول دنيــا بــلاويها تحــدتنــي =لاتلـومها يابـو عـامـر في مهمتــها

اعلـوم ما اطـوفها وعـلـوم طـافتني =ومن طــافها كلها يطـــرح بغبتــها

ان كـان ما رحمـة الـرحمـن عمتنــي =يـارب اســـألك الجـنـه ونعمتـها

بكـره ليا منها فـي القبــر لاقتنــي =حســـنه وســـية تكتـب في صحــيفتها

انـا ذنـوبي بتـالي الوقــت همتنـي =والأمـل مبعـد وقــاربت(ن) مســافتها

كني وراع(ن) مع امي ســاع جـابتني =وخمســه وســتين في وجهـي عــلامتها

مـالي دعـوى وهي بالحـق حـجتنـي =واشــيب عينـي من الحفـره وظـلمتها

الله مايظلـم لاكــن النفس غشـــتني =لاكــن والله ماعلـــم وش نتــيجــتها

انا الهـواجيس شــالتني وحطتنـــي =والخـاتمه يالله احســن لي مقــالتها

وصــلاة ربـي اللي طـرقـه ارضـتني =نبينا خيـــرة الأمـــــه وصــفوتــها
الشاعر :دخيل بن سـفر الشــلاّحي


المرجع : موقع قصر الحومة الثقافي - شعر الحكماء - ثلاث ما عفتها لاكن عافتني (http://www.alhawmah.com/ammar2.html)

ولك خالص التحية والتقدير ،،،
http://www.mutair.ws/images/ataqallah.jpg


وتقبلوا تحيات :
محمد الشــلاّحي
منسق موقع قبيلة مطير

خلك شمالي عند زلت قرايبك = وعلى الحقوق اليا نصنك حجازي
لا تذخر المذخور من دون واجبك = أوف الحقوق اللازمات بنجازي
وللضيف والجيران ليّن جوانبك = بالطيب جاز وبالردى لا تجازي
أحلم على زلة رفيقك وصاحبك = أدمح خطاهم لا تصير انتهازي

والسلام عليكم ورحمة الله

[محمد بن بدر الشلاحي]

اشكرك ابن شلاح هلى هذه الكلمة الراقية