قصيدة العيباني في القهوة

[محمد الميموني]

قصيدة جميلة أعجبتني وهي من قصائد أحد أبناء العمومة من شعراء ميمون القدماء وهو الشاعر دليم بن القلعا العيباني الميموني أنقلها كما وجدتها في أحد الكتب وهي تصف القهوة ،،،،



الشاعر دليم بن القلعا المطيري


للقهوة كارا كبيرا عند العرب فلا تجد بيتا من الحاضرة أو البادية الا وتجد فيه القهوة وهذا الشاعر القلعا يعطي وصفا للقهوة.



يا مل قلبن فيه همن وسوهاج = تلعبه الارياح في غبة الموج

الله على بريتن ما بها باج = ولا يلقي في حبها حبة نجوج

وحماسها حماس ما هو بدلاج = قلبه لها من غاية الروح مفجوج

والى قلط محماستن كنها الصاج = مع الشواما اللي مثاعيبهن عوج

وصبابها يسراه للصب تنعاج = من خوف لا ياتيبها البن مرجوج

والماء قراحن من صهاريج فرتاج = من جمة الطارف قراحن ولجلوج





__________________________________________________ ______


(باج) حبة لونها أسود - (نجوج) خراب - مجوفه - (بدلاج) صاحي - منتبه - (الشواما) الدلال




كنز من الماضي - شاهر الاصقة المطيري صفحة 80




والسلام عليكم ورحمة الله وبركاته ،،،،،،،،

[لفى محسن الشويب]

يا مل قلبن فيه همـن وسوهـاج = تلعبه الارياح في غبـة المـوج
الله على بريتـن مـا بهـا بـاج = ولا يلقي في حبها حبـة نجـوج
وحماسها حماس ما هـو بـدلاج = قلبه لها من غاية الروح مفجـوج
والى قلط محماستن كنها الصـاج = مع الشواما اللي مثاعيبهن عـوج
وصبابها يسراه للصـب تنعـاج = من خوف لا ياتيبها البن مرجوج
والماء قراحن من صهاريج فرتاج = من جمة الطارف قراحن ولجلوج




أخوي محمد بارك الله فيك على نقلك هذه الأبيات للمرحوم دليم القلعا

والقصيدة كفو وكاتبها كفو ومقصوده في كفو وهو كيف الرجال


وتقبلوا تحياتي وتقديري

[أبن شـــلاّح]

http://www.mutair.ws/hello.png

لله درك من فتي

الأخوة الأجلاء
السلام عليكم ورحمة الله
رائع يا محمد الميموني ورائع في اختيارك .
ولعلي اضيف قصيدة في القهوة ايضا هي للشاعر سعد بن حمدان الرحيمي رحمه الله وهناك من حاول جاهداَ نسبتها الى غيره فمرة قال انها للشاعر / رباح ابو لحم المهلكي رحمه الله ومرة قالوا لعتيبي وحقيقتها انها لأبي الشاعر الميدع / محمد بن سعد بن حمدان الرحيمي ( عضو ثلوثية قصر الحومة الثقافي ) .
وساوردها لكم مع ذكر مرجعها


http://www.mutair.ws/vb/uploaded/3_1191360951.gif
( منسق موقع قبيلة مطير )


واعــزتــي لك ياقليـــل المـــواشــي =اللي يحفونـك كثيــريـن الأدبـــــاش

ماغيــر يضحــك بك كثيـر القراشــــي=متكيبــر لـو الكبـــاره علـى مــــاش

يزمك بنفســــه رايـح فـي طماشــــــي=وهـو منول ديــش من عــــرض الأديـــاش

مـا شـــوقنـه مبعــــدات المماشـــــي=اللي لهــن مع رقـــرق الحــزم نشــــناش

ضمــر شـــواكلهـن وهنــــه حـــواشــــي=قفّـــل مزاودهـــن مـن الـــزاد نحـــاش

يبـــن حـي منـــزلـه بالمشـــاشـــي=يبن مع اهـــل ا لقدايـم تعــرمـــاش



تنصى الــذي لو ما معه غير حاشــــي=رجـــل على كســـب الجمـــالات محـواش

اليااقبــلن ينفــظ لاهلهـن فراشـــي=ويقــول حيالله هل الــركـب شـــــواش

وقلـط معـــاميلـن لهـــن تـواشـــــي=رســـلان صفرن كيفهن يبــري الجــــاش

خمـــره ومصفــاتين وابــرق غــــراشـي=ونجــر ليا دنـــه جـــذب كـل حشـــــاش

وقلــط عليها القهـــوجـي الوحــــاشـي=ما هي خطـــات مدغــــش الكيــف دغــــاش

قــاس وحمــس مـن بـن بـري هشـــاشــــي=دقــه ولقـم ثـم زلـــه بعـد غـــــاش

والحــق عليه بصفح هيـل حبـــاشـــــي=ونــوش عليـه بزعفـــــران تنــــواش

وســــاقه على ذرفين الأيمان عاشـــــي=وكيّــف مناعيــــر على الكيف عطـــــاش

لين العـــرق بوجيه اهلهـا تبــــاشـي=ترفعـت حجـــانهـم والعــــرق بـــــاش

في مقعــــده ما غيـــر قــد ولاشــــي =وفي لثتــه ما لــث من طــول الأرمـــاش



وعود لخلــــب ســطـرت بالفراشـــــي =ســـاطور ســــاعور تـورش تــــوراش

ثم اشــترى كبـش البخيــــل العماشـي=وهو مضـــرى في كبيــــرات الأكبــــاش

من مــرزق اللي مرزقـــه ما ينـــاشـي=ياكــود ما ناشـــه من الشـر نـواش

وسـنع عشـاء ذرفيـن الأيمـان عاشــــــي=وعشــى الصقــور وعقبوا كـــل درواش

وان دنـوا الورعـــان فـوق العـــراشـي =يبي عشـــاء من دغــة الســـور لا عـاش

ارخـى دناقـــه للعظــام القشـــاشـي =أقتشــها ليـه ما تقشـــه ياقشــــاش

الشاعر سعد بن حمدان الرحيمي

المرجع :
موقع قصر الحومة الثقافي - شعرا لحكماء - واعزتي لك ياقليل المواشي (http://www.alhawmah.com/abnhamdan.html)

ولك خالص التحية والتقدير ،،،

http://www.mutair.ws/images/ataqallah.jpg


وتقبلوا تحيات :
محمد الشــلاّحي
منسق موقع قبيلة مطير.

اللهم اســترنا فوق الأرض وأســترنا تحت الأرض وأســترنا يوم العرض على وجهك الكريم
والسلام عليكم ورحمة الله

[عين الحر]

صح لسان شاعرها

قصيدة رائعه وجزله للشاعر

مشكور ولاهنت

[محمد النوب]

السلام عليكم
قصائد جزلة وصح لسان قائليها وسلمت ايدي ناقليها ،،،،