هذي اول مصافحه ؟

[ياسر ابن مدلج الميزاني]

سلام عليكم ورحمة الله وبركاته
مساكم الله بالخير يالعيال العم هذي مصافحه شعريه واول مشاركه لي لي ارجو ان تحوز على اعجابكم ورضائكم


فكي اللـثـام وبيّني واهج النور = خلي العيون تشوف روعة جمالك
بأملا النظر دام النظر فيك مبهور = باروي عـيون ٍ ميته في وصالك
ودي اشوف السحر بعيونك الحور = سود النواعس ذابحه من عنالك
لك جمرتين ٍ بينهن ثلج معمور = يروي شهدها ضامي الوقت هالك
فيك الحسن مشهور مشهور مشهور = التاج تاج الزين والله حلالك
والله ما الومك يوم تمشين بغرور = الزين ماخذ من وصوفك مسالك
تبختري بالحسن ما دام لك دور = تبختري عرش الجال انثنالك
ثم البسي شعري عناقيد وزهوز = لا صار شعري مطـلـبه بس فالك
معذور من مثلي نظر فيك معذور = خلقك ربي سكةٍ للمهالـك
يابنت مطير فيكم الموق مجبور = جمال هيئه وخلق ربي سعالك
والحين غطي وجهك اللي من النور = ما اريد غيري يشوف روعة جمالك:)

مع تحيـــات اخيكم/يــاســر ابــن مــدلــج المـــيــزانــي :)



اخي الشاعر ياسر استميحك العذر على تنسيق القصيدة الشعرية (المشرف العام )

[ضاري العيس]

تبختري بالحسن مـا دام لـك دور = ((( تبختـري عـرش الجـال انثنالـك )))

أعتقد أنه فيه نسيان أو خطأ مطبعي في كسر هذا العجز فل تراجع التفعيله أو اللّحن المصاغ به إن لم يكن فيه خطأ .

القصيده جميله تستحق الإشاده لشاعرها وتمكنه من البلاغه في التقدير الفكري ولكن في بعض ترويض الأمثله قد تسئ لك دينياً لأن الله عز وجل لا يخلق ويموّت ويغيّر فروضه من أجل الحب أو الزين ونعلم إن الأحساس الشعوري مرهف وخياله واسع جداً وشخصيّة الشاعر وأبداعاته تكمن في تذوقه وأهتمامه في كل صغيره وكبيره .
والسلام عليكم ورحمة الله وبركاته